Hunto nos lo trese kambio i progreso
pa tur empresario chikí i mediano di Kòrsou
NOS PROPOSITO
Nos ta kombensí ku empresa chikí i mediano ta kurason i tambe wes’i lomba di ekonomia. Sinembargo, ta eksaktamente e tipo di empresanan aki ta esnan mas vulnerabel den tempunan di insertidumbre polítiko i ekonómiko, sea lokal òf internashonal. Pa e motibu ei nos ta rekonosé ku ta di vital importansia pa protehá, defendé, promové i representá interes di negoshinan chikí i mediano pa sigurá un desaroyo sostenibel pa nos sektor empresial i ekonomia lokal.
Komo representante di empresanan chikí i mediano di Kòrsou ta nos deber pa representá i protehá derechonan i hasi gobièrnu konsiente di kiko ta biba bou di e sektor. Esaki ta konta pa instansianan reguladó i tambe otro partido di interés.
Aparte di esaki, ADECK ta ofresé su miembronan akseso na programa i presentashonnan di kalidat, servisio, teknologia i mishonnan komersial, pa yuda engrandesé nan posibilidat di éksito den nan negoshi.
Nos meta komo organisashon ta entre otro:
- Hasi empresanan chikí i mediano mas resiliente
- Eliminá bareranan pa kuminsá i mantené un negoshi
- Mehorashon di klima empresarial lokal
- Mehorashon di akseso na fondonan i finansiamentu
- Duna akseso na entrenamentu di maneho empresarial
- Fasilitá akseso na merkadonan (lokal i internashonal)
- Fasilitá akseso na teknologia
Tin diferente manera pa DJÒIN ADECK
Aspirant
Bo ta hasiendo negoshi pero ainda bo no tin un kompania registrá? Bira miembro aspirant i probechá di e yudansa ku ADECK ta ofresébu pa desaroyá bo negoshi.
Miembro
Si bo tin un kompania registrá na Kámara di Komèrsio bo por apliká pa bira miembro di ADECK. Komo miembro bo tin derecho di voto i di tur benefisio ku ADECK ta ofresé.
Boluntario
Bo ta un ‘business coach’, accountant, HR consultant, eksperto den merkadeo òf un persona ku tin hopi eksperensia den negoshi? Nos mester di boluntario pa yuda empresarionan chikí i mediano mehorá nan abilidat empresarial.
Donatùr
Ku bo donashon ADECK por sigi krea programanan di yudansa ku ta duna empresarionan mikro, chikí i mediano mas oportunidat pa desaroyái mantenénan negoshi.